Հայաստանում Նիդերլանդների դեսպանության աջակցությամբ Արմավիրի մարզում նախաձեռնվել էր կոշտ թափոնների ոչ պատշաճ կառավարումից բխող մարտահրավերներին դիմակայելու ծրագիր։ Հայաստանի ներկայիս կոշտ թափոնների կառավարման (ԿԹԿ) համակարգը բախվում է կառուցվածքային մի շարք խնդիրների, բացակայում են կոշտ թափոնների կառավարման կայուն մեխանիզմներ, որոնք էկոլոգիապես կայուն չէ: Թափոնները Հայաստանում սովորաբար հավաքվում են համայնքների կողմից չտեսակավորված վիճակում, որից հետո դրանք հայտնվում են հակասանիտարական աղբավայրերում: ԿԹԿ համակարգի ցածր կայունությանը նպաստող հիմնական խնդիրները ներառում են հավաքագրման անբավարար ծառայությունները, հնացած սարքավորումները և թափոնների կառավարման ոչ պատշաճ տարբերակները: Ծառայությունների մատուցման նման անբավարար մոտեցումը հանգեցնում է թափոնների ապօրինի գոյացմանը, թափոնների կուտակմանը և բաց այրմանը՝ խորացնելով խնդիրը և վտանգելով մարդկանց առողջությունը: