Recycle it!
Միացի՛ր և կատարի՛ր քո բնապահպանական քայլը
#RecycleIt-ի տեսլականն է ստեղծել թափոնների տեսակավորման և վերամշակման մշակույթ՝ տեղադրելով տեսակավորման ամաններ և բարձրացնելով հանրության իրազեկվածությունը թափոնների վերամշակման վերաբերյալ:
Թափոնների կրճատման և բնապահպանական կրթության խթանում Հայաստանում
No Data Found
«Recycle it!» ծրագիրն ուղղված է Հայաստանում թափոնների կրճատմանը, ինչպես նաև բնապահպանական կրթություն զարգացմանը:
Նախաձեռնության հիմնական նպատակներն են խրախուսել թափոնների տեսակավորումը և վերամշակումը, ստեղծել նոր բիզնես հնարավորություններ թափոնների կառավարման ոլորտում, բարձրացնել վերամշակման և վերաօգտագործման կարևորության վերաբերյալ հանրային իրազեկումը և խթանել բնապահպանական կրթությունը Հայաստանում:
Ի՞նչ է «Recycle it!»-ը
Թափոնների դյուրին տեսակավորում
Միացե՛ք նախագծին` տեղադրելով ձեր մաքուր թափոնները մեր տեսակավորման տարաների մեջ:
Թափոնների փոխակերպումը ռեսուրսի
Այս փուլում, վերամշակման շնորհիվ, թափոնները վերածվում են արժեքավոր ռեսուրսների ավելի կանաչ ապագայի համար:
Նոր իրեր վերամշակված նյութերից
Վերամշակման գործարանում թափոնները վերածվում են նոր իրերի: Ձեր ներդրումը ավարտում է կանաչ ճամփորդությունը՝ նպաստելով տեսակավորված թափոններից բոլորովին նոր իրերի ստեղծմանը:
Տեսակավորված թափոնների տեղափոխում մեքենաներով
Տեսակավորման ամաններում թափոնների հավաքվելուն պես, մոտենում են հատուկ մեքենաներ՝ թափոնների տեղափոխման նպատակով: Մեքենաներն արագ և ապահով կերպով տեղափոխում են թափոնները կանաչ ճամփորդության հաջորդ նպատակակետ:
Ժամանակակից սարքավորումներ
Մեր ժամանակակից սարքավորումները երաշխավորում են, որ ձեր թափոնները հայտնվեն այնտեղ, որտեղ դրանք կարող են առավել նշանակալից փոփոխություններ կատարել:
Տեսակավորման ամաններ
Արդյունավետ տեսակավորում մեր երկարակյաց լամինատե տարաներով
Մեր տեսակավորման ամանները պատրաստված են լամինատից և թույլ են տալիս հեշտությամբ տեսակավորել ձեր թափոնները չորս տարբեր կատեգորիաների՝ թուղթ, պլաստիկ, ապակի և մետաղ:
Բացահայտե՛ք տեսակավորման ամանների դիզայնի մեր հավաքածուն՝ ձեր ճաշակին և կարիքներին համապատասխան ընտրություն կատարելու համար:
Բնապահպանական դասընթացներ
Ուսուցում կորպորատիվ
անձնակազմի համար
Մենք առաջարկում ենք մեկ անվճար դասընթաց, որը կարող է անցկացվել առցանց կամ օֆլայն ձեր ընկերության աշխատակիցների համար: Նպատակն է նրանց կրթել թափոնների հայեցակարգի, դրա տարբեր տեսակների և ամենակարևորը՝ թափոնները ճիշտ տեսակավորելու մասին:
Մեր գործընկերների համար անվճար բնապահպանական դասընթացը մեր գործունեության կարևոր բաղադրիչներից է
Տեսակավորման ամանների քարտեզ
Սկսած 2017 թվականի նոյեմբերից մենք իրականացնում ենք լայնածավալ նախաձեռնություն ողջ Հայաստանում՝ տեղադրելով վերամշակվող թափոնների տեսակավորման ամաններ ինչպես կազմակերպչական (քարտեզի վրա նշված են կանաչ պատկերակներով), այնպես էլ հանրային տարածքներում (քարտեզի վրա նշված կապույտ պատկերակներով): Այս ամանները նախատեսված են պլաստիկի, թղթի, ապակու և մետաղի համար, ինչը հեշտացնում է համայնքների մասնակցությունը էկոլոգիապես մաքուր գործելակերպին:
Հայերեն 
English