Արի՛ միասին խաղանք «Բնությունամանիա»
Ավելի կանաչ ապրելակերպ
Շրջակա միջավայրի մասին իրազեկվածությունը բարձրացնող խմբային այս խաղը հնարավորություն կտա քեզ և քո ընկերներին հետաքրքիր ժամանակ անցկացնել և միևնույն ժամանակ ստանալ նոր ու կարևոր գիտելիքներ մեր շրջակա միջավայրի մասին։
«Բնությունամանիա»-ի մասին
Այս խաղը նպատակ ունի փոքրերի և մեծերի շրջանում տարածել ավելի կանաչ ապրելակերպ և հնարավորություն տալ ծանոթանալու Հայաստանում և աշխարհում առկա բնապահպանական խնդիրներին և դրանց լուծումներին։
Խաղը մշակելիս մեր թիմը հատուկ ուշադրություն է դարձրել ընտրվող թեմաների և հարցերի հետաքրքրությանն ու բարդությանը՝ այն համապատասխանեցնելով 12 տարեկանից բարձր մասնակիցներին՝ անկախ նրանց էկոլոգիական կրթության մակարդակից։
Խաղի ընթացքում դու և խաղընկերներդ պատասխանելու եք մի շարք հարցերի, կատարելու եք զանզան առաջադրանքներ և վերջում ամենաշատ միավորներ հավաքած մասնակիցը դառնալու է «Բնությունամանիա» խաղի հաղթող:
Խաղա և սովորի՛ր
Խաղի ընթացքում առաջացող անհասկանալի հարցերի պատասխանները կարող ես գտնել մեր առցանց «Կանաչ» բառարանում, իսկ ահա մնացած բաղադրիչները կարող եք գտնել վերամշակված հումքից պատրաստված տուփում:
Հիշի՛ր խաղի բոլոր բաղադրիչները վերամշակված են, վերամշակելի կամ վերօգտագործելի:
Բացի՛ր կանաչ գիտելիքների գանձարկղը հիմա։
Սիրով, քո «կանաչ» թիմ
Հայերեն 
English