Ծրագրի նպատակի իրականացման և շարունակելիությունը ապահովելու գործում մեծ դեր են խաղացել անցկացված թեմատիկ դասընթացները: Դասընթացները միտված էին բնակչության մեջ բնապահպանական պատասխանատվության բարձրացմանը, մասնակիցներին՝ էկոլոգիական խնդիրների բացասական ազդեցության և իրենց կյանքի որակի վատթարացման միջև ուղիղ կապի ներկայացմանը, ինչպես նաև նոր գիտելիքների և հմտությունների ձեռք բերմանը: Դասընթացների արդյունքում մասնակիցները ձեռք բերեցին գիտելիքներ թափոնների, դրանց հավաքման արդյունավետ և անվտանգ ձևերի, սորտավորման և վերամշակման շնորհիվ ոչ միայն ավելի մաքուր միջավայր ապահովելու, այլև ֆինանսական նոր աղբյուրներ ստեղծելու հնարավոր տարբերակների, և վերօգտագործման միջոցով առաջին հայացքից անպետք թվացող իրերին երկրորդ կյանք տալու մասին՝ դրանք դարձնելով զարդեր, կենցաղում կիրառվող իրեր, դեկորի մասեր և այլն: Դասընթացներ են իրականացվել ինչպես մաքրման աշխատանքների մասնակիցների, այնպես էլ Գեղարքունիքի մարզի այլ համայնքների ներկայացուցիչների համար: