2019 թվականի մարտի 14-ին, ISSD ՀԿ-ի համահիմնադիր Իրինա Մկրտչյանը և Կալիֆորնիայի համալսարանի (Դեյվիս) ֆելոու Քրիստել Նոգեսը, համալսարանի բոլոր անդամների աջակցությամբ կազմակերպեցին միջազգային դրամահավաք-ընթրիք՝ «Ճոճանակ» նախագծի համար: Միջոցառմանը աջակցել են «International House Davis»-ը, «UC Davis Global Affairs»-ը և «UC Davis Humphrey» թիմը: Միջոցառման ընթացքում մասնակիցները վայելեցին հայկական, էստոնական, ռուսական, վրացական և այլ ազգային ուտեստներ: Ուրախ ենք տեղեկացնել, որ հավաքված միջոցներն օգտագործվել են Արմավիրի մարզի Բագարան համայնքում «Ճոճանակ» ծրագրի իրականացման համար: Շնորհակալություն ենք հայտնում բոլոր ներկաներին, նվիրատուներին, աջակիցներին և գործընկերներին: