«Աշխարհն առանց թափոնների» նախագիծը իրականացվում է «Կոկա-Կոլա ՀԲՔ Արմենիա» ընկերության և Երևանի քաղաքապետարանի հետ համատեղ։ Նախագիծն ուղղված է բարելավելու թափոնների կառավարման համակարգը Հայաստանում, բարձրացնելու բնապահպանական իրազեկվածության աստիճանը դպրոցահասակ երեխաների շրջանում, ինչպես նաև աջակցելու տեղական նախաձեռնություններին, որոնք կենտրոնանում են թափոնների հավաքագրման և վերամշակման մշակույթի ձևավորման և գործնական աշխատանքների իրականացման վրա: Ծրագրի շրջանակներում դպրոցների աշակերտները մրցակցում են, որպեսզի տեսակավորեն առավելագույն քանակությամբ պլաստիկ և թուղթ՝ ապահովելով դրանց պատասխանատու վերամշակումը։

Դպրոցականների մոտ կրթական ծրագրերի միջոցով թափոնների տեսակավորման մշակույթի ձևավորումը կարևոր նշանակություն ունի բնակչության վարքագծի և թափոնների կառավարման համակարգի արդյունավետ գործունեության վրա։